U Minsku pradajuć vahon ź biznes-sałonam. Cana, jak za niekalki kvater
Na elektronnaj placoŭcy «IPM-Torhi» źjaviŭsia niezvyčajny łot — pieraabstalavany vahon-sałon čyhunačnaha sastavu. Jaho startavaja cana składaje $310 tys., adnak z ulikam kamisij pakupniku jon abyjdziecca minimum u $335,5 tys, piša Onliner.by.
Vahony takoha typu (Ammendorf) vyrablalisia ŭ Hiermanii. Kankretna hety ekzemplar vypuščany ŭ 1991 hodzie i pieršapačatkova byŭ pasažyrskim kupejnym. Za čas ekspłuatacyi jon niekalki razoŭ prachodziŭ madernizacyju: dva kapitalnyja ramonty ŭ Ryzie (u 2010 i 2021 hadach) i adzin depoŭski — u 2024 hodzie na Homielskim vahonabudaŭničym zavodzie.
Paśla apošniaha abnaŭleńnia vahon atrymaŭ całkam źmienienuju płaniroŭku.
Častka płoščy zaniata kamfartabielnym kupe z šyrokimi łožkami i televizaram. Astatniaja prastora abstalavana jak biznes-sałon: vuhłavaja kanapa, stoł, dva kresły i jašče adzin televizar.
Vahon prypisany da stancyi Minsk-Pasažyrski i znachodzicca tam ža. Tarhi arhanizuje ekśpiedytarskaja kampanija «Ruzekśpiedycyja». Aŭkcyjon zapłanavany na 6 studzienia 2026 hoda.