U Dobrušy vandała znajšli pa niedakurku, kinutym na mahile
Žančyna pryjšła na mahiłu svajakoŭ i pabačyła, što niechta paškodziŭ pomnik i kryž, ustanoŭlenyja na miescy pachavańnia.
Žančyna źviarnułasia ŭ milicyju. Śviedkaŭ, jakija b ukazali na złamyśnika, nie znajšłosia.
Adkaz dali śpiecyjalisty Homielskaha mižrajonnaha adździeła Dziaržaŭnaha kamiteta sudovych ekśpiertyz. Na miescy zdareńnia jany vyjavili dva ślady abutku i kinuty niedakurak. Pa vynikach praviadzieńnia bijołaha-hienietyčnaj ekśpiertyzy na akurku ŭdałosia atrymać hienietyčny materyjał mierkavanaha złamyśnika.
Mužčynu zatrymali. Jon pryznaŭ vinu i raskajaŭsia ŭ ździejśnienym. Sa słoŭ chulihana, na pačatku vosieni jon pryjšoŭ na mahiłu baćkoŭ. Zatym zajšoŭ na miesca spačynu znajomych siamji. Uspomniŭšy daŭnija kryŭdy, vyliŭ złość na nadmahillach. U toj momant mužčyna byŭ pjany.
Zaviedziena kryminalnaja sprava pa č. 1 art. 347 Kryminalnaha kodeksa Respubliki Biełaruś (ździek z trupa abo mahiły).