U Baranavickim rajonie patanuŭ 69‑hadovy rybak
Trahičny vypadak zdaryŭsia dniom 2 śniežnia kala vioski Damaševičy. Dvoje mužčyn rybačyli na łodcy, jana raptam pierakuliłasia, i abodva apynulisia ŭ vadzie.
Adnamu rybaku ŭdałosia vybracca i vyklikać MNS, piša «Naš kraj». Ratavalniki znajšli druhoha mužčynu. Dapamahčy jamu nie ŭdałosia. Miedyki bryhady chutkaj dapamohi kanstatavali śmierć.
— Na žal, abodva byli biez vyratavalnych kamizelek, jakija mahli b vyratavać i druhoha mužčynu, — źviarnuli ŭvahu miascovyja ratavalniki na vadzie.
Vyratavany mužčyna — 54‑hadovy žychar Lachavič. Zahinuły — 69‑hadovy žychar Baranavickaha rajona.