Jak pa-roznamu vyhladaŭ Styŭ Uitkaf na sustrečach z Pucinym i z ukraincami

Žurnalist vydańnia Financial Times Krystafier Miler źviarnuŭ uvahu na rezki kantrast u źniešnim vyhladzie i pavodzinach Styva Uitkafa, śpiecpradstaŭnika prezidenta ZŠA Donalda Trampa, padčas jahonych pieramovaŭ z ukrainskaj delehacyjaj i rasijskim kiraŭnikom Uładzimiram Pucinym.

Svajo paraŭnańnie Miler apublikavaŭ u sacyjalnaj sietcy X.

Steve Witkoff sitting across from the Ukrainians in Miami: Unshaven and scruffy. Serious, avoiding eye contact and unsmiling.

Steve Witkoff sitting across from Putin: Grinning with teeth, clean shaven, attentive. He says he had a "beautiful walk" through Moscow, which he told… https://t.co/HJSSJYFntK

— Christopher Miller (@ChristopherJM) December 2, 2025

«Styŭ Uitkaf, jaki siadzić nasuprać ukraincaŭ u Majami: niaholeny i nieachajny. Surjozny, paźbiahaje zrokavaha kantaktu i nie ŭśmichajecca. Styŭ Uitkaf, jaki siadzić nasuprać Pucina: uśmichajecca, čysta paholeny, uvažlivy. Jon kaža, što ŭ jaho byŭ «cudoŭny špacyr» pa Maskvie, jakuju jon nazvaŭ Pucinu «cudoŭnym horadam», — piša Miler.

Na sustrečy z ukrainskaj delehacyjaj, 30 listapada. Fota: AP Photo / Terry Renna

Śpiecpradstaŭnik Trampa Styŭ Uitkaf i ziać Donalda Trampa Džared Kušnier naviedali Maskvu dla abmierkavańnia płanu zakančeńnia vajny va Ukrainie. Pieramovy z Pucinym u Kramli doŭžylisia piać hadzin, adnak pa ich vynikach stała viadoma, što kampramisnaha varyjantu ŭrehulavańnia pakul nie znojdziena.

Na sustrečy z Uładzimiram Pucinym, 2 śniežnia. Fota: Kristina Kormilitsyna, Sputnik, Kremlin Pool Photo via AP

Paśla hetaha vizitu zapłanavanaja sustreča prezidenta Ukrainy Uładzimira Zialenskaha z pradstaŭnikami Donalda Trampa ŭ Brusieli była niečakana skasavanaja.

Kamientary da artykuła