Siamiejnuju paru z Homiela adpravili ŭ kałoniju za palityku. Muž užo byŭ palitviaźniem, ale da jaho pryjšli znoŭ
U Homielskim abłasnym sudzie 26 listapada vynieśli prysud siamiejnaj pary Stanisłavu Mačałavu i Śviatłanie Jakubovič pavodle č. 2 art. 361‑4 KK (sadziejničańnie ekstremisckaj dziejnaści), piša «Viasna».
Stanisłavu pryznačyli čatyry hady pazbaŭleńnia voli ŭ kałonii va ŭmovach strohaha režymu, Śviatłanie — piać hadoŭ pazbaŭleńnia voli ŭ kałonii va ŭmovach ahulnaha režymu.
Stanisłaŭ — homielski aktyvist, jaki pracavaŭ prahramistam. Heta nie pieršy palityčny sud nad hamielčukom. Pieršy raz mužčynu zatrymali viasnoju 2021 hoda i asudzili pavodle dvuch palityčnych artykułaŭ na try hady kałonii. U śniežni 2023 hoda Stanisłaŭ vyjšaŭ na volu, całkam adbyŭšy termin, ale praz hod jaho znoŭ zatrymali pa novaj kryminalnaj spravie.