Na vajnie va Ukrainie zahinuŭ režysior šou «Aroł i Reška»
Va Ukrainie zahinuŭ režysior papularnaha telešou «Aroł i Reška» Vasil Chomka, jaki pad pazyŭnym Biejrut vajavaŭ u šerahach Uzbrojenych sił Ukrainy.
«Syn, brat, lubimy muž, tata, chrosny, ziać, siabar, kaleha, pabracim — siońnia ŭsie my ŭ biaskoncym smutku schilajem hałovy pierad tvajoj achviaraj dziela našaj budučyni i addajom daninu pavahi tabie, Vajar. Ty hodna prajšoŭ svoj šlach da apošniaha imhnieńnia i zahinuŭ u bai, trymajučy zbroju, abaraniajučy kožnaha z nas, tamu supakojsia ź miram, a my pakłapocimsia pra tvaju pamiać», — napisała žonka zahinułaha Halina Śpivak.
«Spačyvaj ź miram, spadar režysior! Maje najlepšyja epizody byli z taboj. Dziakuj tabie. Ubačymsia. I jašče zdymiem niešta krutoje. Hladzi pakul łakacyju», — napisaŭ adzin ź viadučych šou Andrej Biedniakoŭ.