Nazvaŭšy słova «Pakiemon», minčanka straciła 50 tysiač rubloŭ
U milicyju źviarnułasia 52‑hadovaja žycharka stalicy, jakaja stała achviaraj telefonnych afierystaŭ.
Nieviadomy patelefanavaŭ žančynie, pradstaviŭsia supracoŭnikam «Biełpošty», paviedamiŭ ab pastupleńni pasyłki i paprasiŭ nazvać kod z SMS, paviedamlaje telehram-kanał «Milicyja Minska».
Praź niekatory čas ź joj źviazaŭsia inšy mužčyna, jaki nazvaŭ siabie supracoŭnikam adździeła kibierbiaśpieki, i zapałochaŭ: skazaŭ, što jana nibyta znachodzicca ŭ zmovie z machlarami i pa miescy žycharstva praviaduć vobšuk. Kab paźbiehnuć kanfiskacyi hrošaj, surazmoŭca prapanavaŭ zajaŭnicy zadekłaravać źbieražeńni.
Žančyna sabrała ŭ pakiet kala 50 tysiač rubloŭ i, nazvaŭšy kodavoje słova «Pakiemon», pieradała jaho kurjeru.
Supracoŭniki Frunzienskaha RUUS zatrymali 34‑hadovaha hramadzianina susiedniaj krainy i kanfiskavali hrošy. Mužčyna, jaki niekalki dzion tamu pryjechaŭ u krainu, raspavioŭ, što znajšoŭ padpracoŭku ŭ internecie. Heta byŭ jaho pieršy «zakaz», za jaki jon pavinien byŭ atrymać ekvivalent 2 500—4 000 rubloŭ. Zatrymany pryznaŭsia, što viedaŭ pra źmieściva pakieta.
Zaviedziena kryminalnaja sprava.