Ceny na žyvyja navahodnija jołki sioleta buduć mienšyja, čym letaś

Pieršymi ceny na navahodnija drevy apublikavali lashasy Homielskaj vobłaści, jakija płanujuć pradać ich nie mienš za 17 tysiač. Ich buduć realizoŭvać na tradycyjnych jołačnych bazarach i kirmašach, a taksama niepasredna sa składoŭ laśnictvaŭ i lashasaŭ, paviedamili ŭ Homielskim abłvykankamie.

Zdymak ilustracyjny. Fota: «Naša Niva»

Cikava, što sioletnija ceny, jak vyhladaje, nižejšyja za minułahodnija:

• da 1 mietra — u siarednim 8,5—12 rubloŭ;
• ad 1 da 2 mietraŭ — 11—14 rubloŭ;
• ad 2 da 3 mietraŭ — 15,50—20 rubloŭ.

Letaś minimalnaja cana, nazvanaja Homielskim abłvykankamam, była 11 rubloŭ (amal na 30% bolš), a maksimalnaja dachodziła da 30 rubloŭ (na 50% vyšej).

Sioleta hetyja košty taksama nižejšyja za tyja, što pierad minułym Novym hodam publikavała Ministerstva antymanapolnaha rehulavańnia i handlu. Navat «prykładnyja roźničnyja ceny» ministerstva — jakija byli prykładna ŭ paŭtara raza nižejšyja za realnyja ŭ niekatorych lashasaŭ — usio ž vyhladali vyšej za aktualnyja:

• da 50 santymietraŭ — 5 rubloŭ;
• da 1 mietra — 13 rubloŭ;
• da 2 mietraŭ — 16 rubloŭ;
• da 3 mietraŭ — 23 rubli.

Kamientary da artykuła