60 mieteazondaŭ paralizavali pracu Vilenskaha aeraporta: abmiežavańni zakranuli 50 rejsaŭ
Saŭlus Batavičus, dyrektar kampanii Oro navigacija, paviedamiŭ, što ŭ niadzielu Vilenski aeraport byŭ začynieny na 11 hadzin z-za mieteazondaŭ. Pavodle jaho słoŭ, usiaho było vypuščana 60 mieteazondaŭ, ź jakich kala 40 — u zonach, krytyčna važnych dla ruchu transpartu ŭ aeraporcie, piša Delfi.lt.
Fota: VSAT
«Šary zapuskalisia z peŭnymi intervałami, kab jany pastajanna znachodzilisia ŭ krytyčnych zonach dla ruchu transpartu ŭ Vilniuskim aeraporcie. A nam zastavałasia tolki biaśsilna nazirać, jak šary paviśli, i my nie mahli adnavić ruch u Vilenski aeraport. (…) Niekalki praktyčna pierakryli šlach u Vilenski aeraport», — zajaviŭ S. Bataŭčus paniadziełak. «Ja b nazvaŭ heta sistematyčnaj atakaj na hramadzianskuju avijacyju», — padkreśliŭ kiraŭnik Oro navigacija.
Jak paviedamlałasia, Vilenski aeraport, začynieny ŭ niadzielu ŭviečary z-za mieteazondaŭ, adnaviŭ pracu rana ranicaj u paniadziełak. Abmiežavańni zakranuli bolš za 7,4 tys. pasažyraŭ i 50 rejsaŭ.
«Vyšejzhadanyja abmiežavańni pavietranaj prastory byli admienienyja 1 śniežnia ŭ 5.00 hadzin. Usia dziejnaść u Vilenskim aeraporcie ažyćciaŭlajecca ŭ štatnym režymie. Časovyja abmiežavańni pavietranaj prastory zakranuli bolš za 7,4 tys. pasažyraŭ i 50 rejsaŭ: 31 rejs byŭ admienieny, 10 pieranakiravany, a 9 zatrymany», — havorycca ŭ paviedamleńni Litoŭskich aeraportaŭ. U paniadziełak mahčymyja asobnyja zatrymki rejsaŭ z-za parušeńnia ratacyi ekipažaŭ i pavietranych sudoŭ.