MUS ahučyła ličby, kolki ŭ Biełaruś pryjazdžaje pracoŭnych mihrantaŭ
Ministerstva ŭnutranych spraŭ paviedamiła pra značny rost kolkaści pracoŭnych mihrantaŭ u Biełarusi: za dzieviać miesiacaŭ 2025 hoda jana pavialičyłasia ŭ paŭtara raza ŭ paraŭnańni z anałahičnym pieryjadam 2024 hoda.
Pa stanie na 2025 hod na ŭliku ŭ orhanach unutranych spraŭ staić bolš za 230 tysiač zamiežnych hramadzian — pastajanna pražyvajuć kala 167 tysiač čałaviek, časova — 63 tysiačy čałaviek.
Ź ich na pracu pryjechali bolš za 32 tysiačy čałaviek, u 2024 hodzie była 21 tysiača.
Na vučobu pryjechała kala 24 tysiač čałaviek.
MUS adznačaje, što pravodzić pastajannyja pravierki pa miescy rehistracyi i rejdy ŭ miescach mahčymaha znachodžańnia mihrantaŭ. Z pačatku hoda ź Biełarusi było vydvarana bolš za 3,6 tysiačy zamiežnikaŭ, jakija parušyli zakanadaŭstva, u tym liku 1,3 tysiačy nielehalnych mihrantaŭ.