Za stvareńnie dvarovaha čata pasadzili maładych nastaŭnicu i pradprymalnicu
Marynu Chramcovu i Alaksandru Dubroŭskuju abvinavacili ŭ stvareńni «ekstremisckaha farmavańnia».
Alaksandra Dubroŭskaja (źleva) i Maryna Chramcova. Fota ź ichnich staronak «Ukantakcie»
Alaksandry Dubroŭskaj z Mahilova 37 hadoŭ. Miarkujučy pa sacsietkach, jana skončyła Univiersitet kardynała Stefana Vyšynskaha ŭ Varšavie.
Jana pracuje nastaŭnicaj anhlijskaj movy ŭ roznych škołach i centrach dziciačaha raźvićcia Mahilova. Maje pieršuju nastaŭnickuju katehoryju.
Marynie Chramcovaj 41 hod. Jana rodam ź vioski Amchavaja ŭ Mahiloŭskim rajonie.
Maryna Chramcova. Fota ź jaje staronki «Ukantakcie»
Maryna raniej pracavała pradprymalnicaj, pradavała padłohavyja pakryćci. Jaje IP zakryłasia ŭ 2015 hodzie, i paśla žančyna pierajšła ŭ inšuju firmu, jakaja zajmałasia tym ža.
Alaksandru Dubroŭskuju i Marynu Chramcovu aryštavali naprykancy minułaha hoda. Ich asudzili ŭ Mahiloŭskim abłasnym sudzie pa «spravie dvarovych čataŭ». Abiedźviuch vinavacili ŭ «stvareńni ekstremickaha farmiravańnia» (č. 3 art. 361‑1 KK). Viadoma, što abiedźvie žančyny atrymali termin u kałonii.