Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ
Kolišni mer Dokšyc Aleh Pinčuk u pačatku 2020‑ha vypadkova zastreliŭ na palavańni svajho daŭniaha tavaryša, biznesmiena Valeryja Jančaka. U lesie jany byli ŭdvuch, śviedkaŭ nie było. SK zavioŭ spravu za zabojstva pa nieaściarožnaści, a potym uvohule kreatyŭna vyzvaliŭ Pinčuka ad adkaznaści, bo toj žyŭ na zabrudžanaj Čarnobylem terytoryi. Dyk voś, niadaŭna ŭ Pinčuka zdaryłasia novaja historyja, źviazanaja z palavańniem.
Aleh Pinčuk
Jak stała viadoma «Našaj Nivie», Aleh Pinčuk, jaki ŭ hety momant uznačalvaje «Hłybokajehaz», znoŭ byŭ zatrymany supracoŭnikami Dziaržaŭnaj inśpiekcyi pa achovie žyviolnaha i raślinnaha śvietu pa padazreńni ŭ brakańjerstvie.
Heta adbyłosia ŭ siaredzinie kastryčnika. U lesie znajšli ślady zabojstva žyvioły. Niejak vyjšli mienavita na Pinčuka.
U čynoŭnika praviali vobšuk, znajšli niezarehistravanyja elemienty zbroi dla nieprykmietnaha palavańnia (hłušylnik-połymiahasiciel) i dapytali.
Ale nadoŭha zatrymany Pinčuk nie byŭ, užo 21 kastryčnika jon byŭ na pracoŭnym miescy i ŭ razmovie z žurnalistam niezadavolenym hołasam admaŭlaŭ jakija b tam ni było prablemy z zakonam.
Jak ciapier nam stała viadoma, nijakich prablem z zakonam u Pinčuka nasamreč niama.
Zahadkavym čynam śledčym nie ŭdałosia dakazać, što znojdzienyja doma ŭ Pinčuka hłušylniki naležać mienavita jamu. Jon patłumačyŭ, što heta majomaść niejkaj inšaj asoby, jakaja žyvie za miažoj.
Nahadajem, u 2020 hodzie Pinčuk paźbiehnuŭ adkaznaści za nienaŭmysnaje zabojstva, bo trapiŭ pad amnistyju. Na jaho karyść zhulała toje, što jon kaliści žyŭ u zabrudžanaj zonie i mieŭ adpaviedny status. Tamu tuju spravu zakryli.