U Minsku vypuścili marožanaje biez cukru
Navinka pastupiła ŭ kramy z 26 listapada.
Staličny chaładzilny kambinat №2 vypuściŭ u prodaž lohkaje marožanaje ŭ vafielnym kubačku sa smakam vanilinu. Pra start prodažaŭ vytvorcy paviedamili ŭ instahramie.
U asnovie desiertu lažyć sarbit — naturalny cukrazamianialnik raślinnaha pachodžańnia, jaki zdabyvajuć z rabiny, čarnaślivu i inšych kruchmalistych fruktaŭ.
Desiert padychodzić dla racyjonu dyjabietykaŭ, tych, chto prytrymlivajecca nizkavuhlavodnaj dyjety Kieta i białkovaha režymu Dziukana, a taksama prychilnikaŭ zdarovaha charčavańnia.
Navinka budzie pastupać u chaładzilniki kram pastupova. Zaraz marožanaje možna kupić u roźničnych kramach «Minskaha chaładzilnaha kambinata» i ŭ dvuch punktach handlovaj sietki «Susiedzi» ŭ Minsku pa adrasach Daŭhinaŭski trakt, 178 i vulica Nalibockaja, 1.