U Litvie damovilisia pra sproščany paradak viartańnia ź Biełarusi zatrymanych paŭpryčepaŭ
Asacyjacyja aŭtapieravozčykaŭ Litvy Linava i litoŭskaja mytnia ŭzhadnili časovaje spraščeńnie paradku viartańnia paŭpryčepaŭ, što zastalisia ŭ Biełarusi paśla zatrymańnia litoŭskich hruzavikoŭ. Kali Minsk daść dazvoł na ich viartańnie, litoŭskija fury zmohuć vyjazdžać z krainy biez paŭpryčepaŭ, kab zabrać ich na biełaruskim baku, paviedamlaje Delfi.lt.
Zdymak ilustracyjny. Fota: «Naša Niva»
Prezident Linava Erłandas Mikienas adznačyŭ, što hetaje rašeńnie dapamoža kampanijam chutčej viarnuć svaju majomaść i skaracić finansavyja straty.
Adnak pytańnie viartańnia samich hruzavikoŭ ź Biełarusi pakul zastajecca niavyrašanym, i rašeńnie pa im prymaje nie litoŭski bok.
Mikienas padkreśliŭ, što hałoŭnaja zadača — zrabić tak, kab pieravozčyki nie stracili svaje paŭpryčepy, jakija źjaŭlajucca ich ułasnaściu i pracoŭnym instrumientam. Sumiesna z mytniaj u vyniku ŭdałosia znajści miechanizm, jaki dazvolić stabilizavać situacyju prynamsi ŭ toj častcy, jakaja zaležyć ad litoŭskaha boku.
Čytajcie taksama:
MZS Litvy: Meta Minska — vyjści ź izalacyi
Kiraŭnik Pamiežnaj słužby Litvy: Prablemu pavietranych šaroŭ ź Biełarusi zanadta raździmajuć
Łukašenka patrabuje ad Litvy palityčnych pieramoŭ na ŭzroŭni MZS. Fury zastajucca ŭ zakładnikach
Ministr unutranych spraŭ Litvy pakul nie bačyć nieabchodnaści zakryvać miažu ź Biełaruśsiu