Vilenski aeraport prypyniŭ paloty jak minimum da 19:00
Uźlotna-pasadačnaja pałasa aeraporta Vilni časova zakrytaja praź incydent padčas pryziamleńnia samalota z Varšavy, tamu najbližejšyja pa časie rejsy nie zmohuć ni vylecieć, ni pryziamlicca. Heta praciahniecca jak minimum da 19:00 pa vilenskim časie (20:00 pa minskim).
Fota vidavočcy incydentu
Kali ŭ kaho zapłanavany vylet na hety čas, u aeraport možna nie śpiašacca. Status rejsa možna pravieryć na anłajn-tabło.
Siońnia stała viadoma, što ŭ Vilenskim aeraporcie za miežy ŭźlotna-pasadačnaj pałasy vykaciŭsia samalot polskaj avijakampanii LOT Polish Airlines, jaki ŭžo pryziamliŭsia. U vyniku incydentu nichto nie paciarpieŭ.
Čytajcie taksama:
U aeraporcie Vilni samalot vykaciŭsia za miežy pałasy
U Hiermanii pasažyry vybiehli na ŭźlotnuju placoŭku, sprabujučy dahnać samalot