U Ašmianach mužčyna vykinuŭ plašku z akna, škoda skłała 400 rubloŭ
Mužčyna nie chacieŭ, kab žonka pabačyła, što jon vypivaŭ.
Na minułym tydni ŭ Ašmianski RAUS z zajavaj źviarnuŭsia 67‑hadovy miascovy žychar. Jon paviedamiŭ pra techničnyja paškodžańni svajho aŭtamabila. Ranicaj ahledzieŭšy transpartny srodak, zaŭvažyŭ, što niechta raźbiŭ vietravuju šybu, paviedamlaje Hrodzienskaja abłasnaja milicyja.
Vyśvietliłasia, što 70‑hadovy inšy mužčyna ŭ siabie ŭ kvatery vypivaŭ, a potym vyrašyŭ vykinuć plašku ŭ akno. Z čaćviortaha paviercha jana śpikiravała nie na chodniki, a prosta na vietravuju šybu Renault.
Škodu acanili ŭ 400 rubloŭ.
Ź jaho słoŭ, jon prosta nie chacieŭ, kab žonka ŭbačyła butelku.
Zaviedzienaja kryminalnaja sprava pavodle artykułu «Chulihanstva».