U Minsku tratuarnaja plitka pravaliłasia pad žančynaj. Piensijanierka apynułasia pad ziamloj amal pa pojas
Zdareńnie adbyłosia kala padjezda doma № 54 na praśpiekcie Haziety «Praŭda». Piensijanierka abyšłasia spałocham i siniakami.
Incydent paćvierdzili i ŭ ŽKH Maskoŭskaha rajona. Da kamunalščykaŭ paciarpiełaja pretenzij nie maje, a tyja ŭ svaju čarhu vybačylisia.
Adrazu paśla zdareńnia na miesca vyjazdžali pradstaŭniki «Minskvodakanała», ŽEU, «Remaŭtadara» i navat milicyja, pišuć Minsk-Naviny.
Ciapier śpiecyjalisty vyśviatlajuć pryčyny prasiadańnia hruntu. Adna ź viersij — praryŭ źniešnich sietak liŭniovaj kanalizacyi. Darečy, kapitalny ramont doma pravodzili ŭ 2022 hodzie. Tady budaŭniki zamianili sistemy chałodnaha i haračaha vodazabieśpiačeńnia, bytavuju i liŭniovuju kanalizacyi z vypuskam da pieršych kałodziežaŭ, a taksama trubapravody sistemy ŭnutranych vadastokaŭ z prakładkaj z poliviniłchłarydnych trub dla napornaj kanalizacyi.