Zakryvajecca rehijanalnaja hazieta «Homan Barysaŭščyny»
Vyjšaŭ apošni, 300 numar haziety, jakaja pisała pra minuŭščynu Barysava i rajona, piša BAŽ.
Rehijanalnaja hazieta «Homan Barysaŭščyny» zakryvajecca praz 30 hadoŭ isnavańnia. Vydańnie aśviatlała padziei horada Barysava i rajona.
Pieršy numar vyjšaŭ u žniŭni 1996 hoda. Redakcyja charaktaryzavała novaje miedyja jak «skancentravańnie raznastajnych dumak i šmatbakovaj infarmacyi ab historyi, sučasnaści i budučyni našaha kraju». U haziecie było try asnoŭnyja tematyčnyja składniki: ekanamičny, hramadska-palityčny i kulturnicki.
Napačatku hetaje biełaruskamoŭnaje vydańnie mieła ŭsiaho na čatyry staronki i vychodziła nierehularna. Paśla jaho abjom daros da 16 staronak. Čytačy mahli nabyvać hazietu štomiesiačna.
Hałoŭnym redaktaram «Homana Barysaŭščyny» byŭ Michaś Macielski. Zasnavalnikami vydańnia vystupali, akramia hałoŭnaha redaktara, I. Bieły, U. Bujko, U. Dubanievič, M. Pučyła.