Pradstaŭniki ZŠA i Rasii pravodziać pieramovy ŭ Abu-Dabi
Sakratar armii ZŠA, novy śpiecpradstaŭnik pa Ukrainie Den Dryskał znachodzicca ŭ Abu-Dabi, kab sustrecca z rasijskimi čynoŭnikami, paviedamili CBS News dźvie słužbovyja asoby ZŠA i dźvie dypłamatyčnyja krynicy.
Den Dryskał. Fota: Photo by Cheriss May / Getty Images
«Sakratar Dryskał sustreŭsia z členami rasijskaj delehacyi [ŭ paniadziełak viečaram] na praciahu niekalkich hadzin u Abu-Dabi. Jon zapłanavaŭ sustreču ź imi znoŭ na praciahu dnia ŭ aŭtorak, kab abmierkavać mirny praces i chutka prasunuć mirnyja pieramovy napierad», — paviedamiła CBS News adna słužbovaja asoba ZŠA.
Nie jasna, chto jašče ŭvachodzić u skład amierykanskaj delehacyi ŭ Abu-Dabi.
Na vychodnych Dryskał, dziaržaŭny sakratar Marka Rubia, śpiecpasłańnik Trampa Styŭ Uitkaf, ziać prezidenta Džared Kušnier i dypłamaty z Ukrainy i jeŭrapiejskich sajuźnikaŭ prysutničali na pieramovach u Ženievie, Šviejcaryja. Sustreča Dryskała z rasijskimi čynoŭnikami taksama adbyvajecca paśla jaho vizitu ŭ stalicu Ukrainy na minułym tydni.