Pamior prafiesar Anton Sadoŭski
24 listapada paśla pieraniesienaha kardyjoembaličnaha insulta pamior prafiesar kafiedry dyfierencyjalnnych uraŭnieńniaŭ i sistemnaha analizu Biełaruskaha dziaržaŭnaha ŭniviersiteta, doktar fizika-matematyčnych navuk Anton Sadoŭski. Jamu byŭ 81 hod.
Anton Sadoŭski
Anton Sadoŭski naradziŭsia 7 lutaha 1944 hoda ŭ vioscy Kraśniany Miadzielskaha rajona. U 1966 hodzie skončyŭ z adznakaj matematyčny fakultet BDU.
Z 1967 pa 1982 hady pracavaŭ u BDU, prajšoŭšy šlach ad małodšaha navukovaha supracoŭnika da dacenta kafiedry vyšejšaj matematyki i matematyčnaj fiziki. Z 1982 pa 1999 hady pracavaŭ u Hrodzienskim dziaržaŭnym univiersitecie, dzie byŭ dacentam i prafiesaram kafiedry matematyčnaha analizu, vykonvaŭ abaviazki kiraŭnika kafiedry. Z 1999 hoda pracavaŭ prafiesaram kafiedry dyfierencyjalnych uraŭnieńniaŭ i sistemnaha analizu BDU.
U 1969 hodzie abaraniŭ kandydackuju dysiertacyju, u 1996‑m — doktarskuju. U 2006‑m jamu było prysvojena zvańnie prafiesara.
Navukovyja intaresy Sadoŭskaha — jakasnaja teoryja dyfierencyjalnych uraŭnieńniaŭ. Jon raspracavaŭ mietady rašeńnia prablemy centra i fokusu dla analityčnych sistem, u tym liku dla sistem ź nilpatentnym centram i kubičnaj sistemaj nieliniejnych vahańniaŭ Kuklesa. Vyniki jahonych daśledavańniaŭ atrymali šyrokaje pryznańnie ŭ matematyčnaj supolnaści.
Viadomymi ŭ biełaruskim hramadstvie stali i jahonyja dzieci — žurnalistka Maryja Sadoŭskaja-Kamłač i eks-dypłamat Andrej Sadoŭski.
Čytajcie taksama:
Pamior zasnavalnik «Biełaruskaha histaryčnaha časopisa»