U Rasii zabaranili słova žopa
Jano pryznana nieprystojnym u novym Tłumačalnym słoŭniku dziaržaŭnaj movy, piša «Mieduza».
Słoŭnik vydali supracoŭniki Sankt-Pieciarburhskaha dziaržaŭnaha ŭniviersiteta (SPbDU). U im utrymlivajecca pieralik z 14 karanioŭ (raniej było tolki čatyry), słovy ź jakimi adnosiacca da nieprystojnaj łajanki. Heta dazvalaje dakładna vyznačyć, jakija słovy mohuć ličycca nieprystojnymi, i vykarystoŭvać hetyja źviestki ŭ pravaprymianialnaj praktycy.
Usiaho ŭ słoŭniku tłumačacca 45 tysiač słoŭ. Jaho składalniki adznačajuć, što «niekatoryja słoŭnikavyja definicyi ŭzhadnialisia z pravavym upraŭleńniem RPC, a ich padrychtoŭka viałasia pad kantrolem Miniusta». Pavodle słovaŭ składalnikaŭ, słoŭnik nakiravany na ŭmacavańnie «tradycyjnych rasijskich duchoŭna-maralnych kaštoŭnaściaŭ».