Na adnym učastku trasy z roźnicaj u 5 chvilin zdarylisia dźvie avaryi zapar
Abiedźvie mašyny byli na zimovych šynach.
U Baranavickim rajonie na adnym i tym ža ŭčastku trasy M1 za piać chvilin adbylisia dźvie avaryi. Zdaryłasia heta 23 listapada.
Pieršaje DTZ było kala 12:50, paviedamili ŭ DAI. 22‑hadovaja žycharka Biełaaziorska na Skoda jechała ŭ bok Bresta, nie spraviłasia z kiravańniem i źjechała ŭ pravy prydarožny kiuviet. Mašyna pierakuliłasia.
Druhaja avaryja — tam ža ŭ 12:55. 46‑hadovy kiroŭca Peugeot straciŭ kiravańnie i sutyknuŭsia z DAF, jaki stajaŭ na ŭzbočynie, z paŭpryčepam Schmitz. Kiroŭca hruzavika jakraz vystaviŭ znak avaryjnaha prypynku i dapamahaŭ udzielnicy papiaredniaha DTZ.
U dvuch vypadkach kiroŭcy byli pryšpilenyja i nie paciarpieli. Mašyny byli na zimovych šynach.