U Varšavie adbudziecca sustreča sa Śviatłanaj Aleksijevič i Jevaj Viežnaviec
Piśmieńnicy stanuć haściami mierapryjemstva ŭ miežach vystavy «Blizki Uschod, Daloki Zachad — Kijeŭskaje bijenale 2025», piša «Biełaruski PEN».
16:00—17:30 — razmova sa Śviatłanaj Aleksijevič. U hetaj panelnaj dyskusii Śviatłana raspaviadzie pra toje, jak piśmienstva i publikacyja mohuć stać aktami supracivu pryhniotu i razbureńniu.
18:00—19:30 — ananimny dziońnik ź Minska i razmova ź Jevaj Viežnaviec. Padčas sustrečy buduć začytvacca frahmienty ananimnaha dziońnika, a Jeva Viežnaviec raskaža pra svaju tvorčaść i patencyjał biełaruskaha litaraturnaha śvietu.
Sustreča adbudziecca 29 listapada ŭ Muziei sučasnaha mastactva ŭ Varšavie, Marszałkowska 103.