Aŭtamabili jurasobaŭ-daŭžnikoŭ z novaha hoda nie buduć vypuskać za miežy Biełarusi
Z 1 studzienia 2026 hoda ŭ Biełarusi abmiežavańni dla daŭžnikoŭ pašyrajuć na jurydyčnyja asoby. Ciapier miery, jakija dziejničali dla fizičnych asobaŭ i indyvidualnych pradprymalnikaŭ, buduć užyvacca i da arhanizacyj, paviedamiła Ministerstva justycyi.
Zdymak ilustracyjny. Fota: LookByMedia
Aŭtamabili pradpryjemstvaŭ-daŭžnikoŭ zmohuć nie vypuskać za miežy krainy da pahašeńnia daŭhoŭ. Dla słužbovych asobaŭ takich kampanij taksama mahčymyja časovyja abmiežavańni na kiravańnie transpartam i małamiernymi sudami.
Raniej zabarony tyčylisia tolki hramadzian i IP, a kiraŭnikam kampanij mahli kropkava abmiažoŭvać vyjezd za miažu. Ciapier ža sistema stanie kompleksnaj i zakranie jak ludziej, tak i transpart jurydyčnych asobaŭ.
Čytajcie taksama:
MZS Litvy zajaviła aficyjny pratest u suviazi z zatrymańniem u Biełarusi litoŭskich hruzavikoŭ
Źbirajucca pastrožyć praviły dla internet-handlu
Płatforma Kufar budzie pa-novamu zdymać kamisiju za braniravańni