Biełaruś vyzvaliła 31 ukrainca
Va Ukrainu viarnuli ź Biełarusi 31 čałavieka, asudžanych na termin ad 2 da 11 hadoŭ.
Tut i dalej foty ź instahrama Julii Paŭluk
Uzrost najmaładziejšaj vyzvalenaj siońnia ŭkrainki — 18 hadoŭ, najstarejšamu — 58 hadoŭ, paviedamiła kiraŭnik centralnaha rehijanałlnaha centra Kaardynacyjnaha centra pa pytańniach vajennapałonnych Julija Paŭluk.
Siońnia stała viadoma, što Łukašenka pamiłavaŭ 31 čałavieka.
«U raźvićcio dasiahnutych damoŭlenaściej pamiž prezidentam ZŠA Donaldam Trampam i Alaksandram Łukašenkam pa prośbie ŭkrainskaha boku ŭ metach stvareńnia ŭmoŭ dla ŭrehulavańnia ŭzbrojenaha kanfliktu ŭ sumiežnaj dziaržavie, kirujučysia pryncypami humanizmu i ŭ jakaści žestu dobraj voli prezidentam pamiłavany 31 hramadzianin Ukrainy, jaki ŭčyniŭ kryminalnyja złačynstvy na terytoryi našaj krainy. Voś litaralna zaraz, u hetyja chviliny, adbyvajecca pieradača ich ukrainskamu boku», — raskazała žurnalistam pres-sakratar Łukašenki Natalla Ejsmant.