Lidary ES i Zialenski nazvali adpraŭny punkt dla pieramoŭ ab miry
Ukraina i jaje jeŭrapiejskija sajuźniki adchilajuć klučavyja pałažeńni mirnaha płana ZŠA.
Kir Starmier, Alaksandr Stub, Uładzimir Zialenski, Donald Tramp, Emanuel Makron, Džordža Miełoni, Frydrych Mierc, Mark Rute. Fota: Win McNamee / Getty Images
Siońniašniaja linija frontu va Ukrainie pavinna być «adpraŭnym punktam» dla luboj mirnaj damovy, ličać jeŭrapiejskija i ŭkrainskija lidary. Pra heta paviedamlajecca na sajcie niamieckaha ŭrada pa vynikach telefonnaj razmovy pamiž kancleram Hiermanii Frydrycham Miercam, prezidentam Francyi Emanuelem Makronam, premjer-ministram Vialikabrytanii Kiram Starmieram i ŭkrainskim lidaram Uładzimiram Zialenskim.
Lidary Hiermanii, Francyi i Brytanii paćvierdzili svaju «niepachisnuju i poŭnuju padtrymku Ukrainy na šlachu da tryvałaha i spraviadlivaha miru». Jany vitali namahańni ZŠA pa spynieńni kanfliktu i majuć namier «ciesna kaardynavać» dalejšyja kroki.
Jany taksama padkreślili, što lubaja mirnaja damova, «jakaja datyčycca jeŭrapiejskich dziaržaŭ, Jeŭrapiejskaha sajuza abo NATA, patrabuje adabreńnia jeŭrapiejskich partnioraŭ abo kansiensusu siarod sajuźnikaŭ».