Chtości z vajenkamata Homielščyny zabraniravaŭ luksavyja apartamienty i vypadkova apubličyŭ heta
U aficyjnym telehram-kanale vajenkamata Homielskaj vobłaści «VKHO 24/7» siońnia ranicaj byŭ apublikavany skrynšot braniravańnia ŭ luksavych apartamientach DannaMall u Minsku. Post byŭ adrazu ž vydaleny, ale zachavaŭsia ŭ kešy Telegram, zaŭvažyŭ Reform.news.
Andrej Kryvanosaŭ. Fota: «Prypiackaja praŭda»
Žyllo ŭ Minsku pa vulicy Piatra Mścisłaŭca, 17 zabraniravana na dźvie nočy z 24 pa 26 listapada. Dvuchpakajovaja kvatera ahulnaj płoščaj 63 kv. mietry ź dźviuma spalniami znachodzicca na 16 paviersie. Jaje košt — 200 biełaruskich rubloŭ za noč.
Fota: kufar.by
Nie zusim zrazumieła, ci idzie havorka pra słužbovuju kamandziroŭku, ci administratar kanała padzialiŭsia padrabiaznaściami pryvatnaha padarožža ŭ pracoŭnyja budni. U lubym vypadku, publikacyja adbyłasia pamyłkova i była vydalena.
Skrynšot braniravańnia, apublikavany vajenkamatam
Vajennym kamisaram Homielskaj vobłaści źjaŭlajecca Andrej Kryvanosaŭ.