Pavieranaja ŭ spravach Hiermanii ŭ Biełarusi ŭručyła davierčuju hramatu Maksimu Ryžankovu
Pavieranaja ŭ spravach Hiermanii ŭ Biełarusi ŭručyła davierčuju hramatu kiraŭniku MZS Biełarusi. Pra heta paviedamlaje pasolstva FRH u Minsku ŭ svaich sacsietkach.
Fota: Pasolstva Hiermanii ŭ Biełarusi
Katryn aus dem Zipien i ministr zamiežnych spraŭ Biełarusi Maksim Ryžankoŭ abmierkavali «vykliki i pierśpiektyvy hiermana-biełaruskich adnosin», udakładniajecca ŭ paviedamleńni pasolstva. U kancy sustrečy ministr padaryŭ Katryn aŭs dem Zipien knihu «Nacyjanalny atłas Biełarusi».
U paviedamleńni MZS Biełarusi ab hetaj sustrečy adznačajecca «hatoŭnaść biełaruskaha boku da naładžvańnia praktyčnaha i raŭnapraŭnaha dyjałohu z FRH i ES».
Pa dypłamatyčnym pratakole, pavierany ŭ spravach akredytujecca pry MZS krainy, u adroźnieńnie ad pasła, čyje hramaty ŭručajucca kiraŭniku krainy.
Papiaredniaja časovaja pavieranaja ŭ spravach Hiermanii ŭ Biełarusi Andrea Viktaryn pakinuła svaju pasadu ŭ lipieni 2025 hoda.