U Maroka zatrymali čatyroch biełarusaŭ pa padazreńni va ŭzłomie prahram
U marakanskim horadzie Marakieš zatrymali čatyroch biełarusaŭ i adnaho francuza. Ich padazrajuć u tym, što jany ŭzłomvali mabilnyja prahramy dla anłajn-stavak i vyvodzili hrošy na asabistyja rachunki, piša Reform.news.
Fota: fesnews.media
Pavodle paviedamleńniaŭ marakanskaj presy, zatrymańnie adbyłosia 15 listapada. Miascovaja sudovaja palicyja dziejničała razam z terytaryjalnaj słužbaj biaśpieki. Śledstva miarkuje, što biełarusy pracavali ŭ zmovie z francuzam, jakoha aryštavali na vile na ŭskrainie Marakieša.
Padčas pieratrusaŭ u ich žylli znajšli i zabrali kampjutary, elektronnyja nośbity i abstalavańnie dla dostupu ŭ internet. Usio heta adpravili na ekśpiertyzu.
Zatrymanych dapytvajuć pad nahladam prakuratury, kab vyśvietlić usie detali i abstaviny spravy.
Čytajcie taksama:
Rasijskija praŭładnyja chakiery hadami vykradali zasakrečanyja dakumienty z sudovych sistem ZŠA
Chakiery vykarystoŭvali ŭ jakaści prynady biełaruski vajskovy dakumient