Piensijanier ź Minska skraŭ elektrarovar dla cyrkavoha numara
U Minsku pažyły mužčyna skraŭ elektrarovar dla svajho cyrkavoha pradstaŭleńnia, paviedamili ŭ HUUS Minharvykankama.
Skrynšot ź videa
U milicyju źviarnułasia viełašerynhavaja kampanija, jakaja zajaviła pra źniknieńnie elektrarovara koštam bolš za Br3,5 tysiačy.
Apieratyŭniki pa padazreńni ŭ kradziažy zatrymali 74‑hadovaha minčuka. Było ŭstanoŭlena, što piensijanier zaŭvažyŭ transpartny srodak i niezakonna prysvoiŭ jaho sabie, paśla čaho zachoŭvaŭ u padvale žyłoha doma.
Pry zatrymańni mužčyna rastłumačyŭ, što zajmajecca arhanizacyjaj cyrkavych pakazaŭ i płanavaŭ vykarystoŭvać skradzieny rovar u adnym sa svaich numaroŭ.
Rovar pieradadzieny pradstaŭnikam kampanii. Pa abvinavačvańni ŭ kradziažy zaviali kryminalnuju spravu.
Čytajcie taksama:
MUS nazvała šeść fraz, paśla jakich treba nieadkładna kinuć słuchaŭku
Minčanin pastaviŭ na dźviery bijamietryčny zamok — jaho vyklikali ŭ milicyju
Były hruzčyk u mascy abrabavaŭ kramu, ale hrošy jamu nie dastalisia