Hościa śvieckaha viečara ŭ Minsku šakavała sukienkaj z hałavoj kazuli
«Kazuli ličacca čaradziejnymi, i ich vykarystoŭvajuć u vyrabie amuletaŭ i talismanaŭ, i heta siońnia moj abiareh».
Dyzajnierka Alena Acapkina ŭ epatažnym ubory. Fota: hard_marks / Instagram
U subotu ŭ Minsku prachodziŭ modny pakaz Fashion Fabrique ŭ Dipservice Hall. Asablivuju ŭvahu pryciahnuŭ epatažny ŭbor adnoj z hościaŭ.
Dyzajnierka Alena Acapkina pryjšła ŭ čornaj sukiency, drapiravanaj futram, z hałavoj kazuli z pazałočanymi rahami.
«Heta pryhožaja žyviolina, jakaja była stvorana dla pryhažości. Jana ŭpryhožvaje łuhi našy, pali i ŭ tym liku siońnia moj ubor. Heta vyraby majho brendu.
Nie prosta tak jana [kazula] siońnia ŭpryhožvaje moj ubor. Kazuli ličacca čaradziejnymi, i ich vykarystoŭvajuć u vyrabie amuletaŭ i talismanaŭ, i heta siońnia moj abiareh», — raskazała dyzajnierka pra svoj vobraz błohu pra modu «Tiažiełyj Marks».
Błoh dadaŭ, što sapraŭdnyja ŭ hetym ubory tolki rohi.
U kamientarach mnohija žachnulisia z takoha kreatyvu.
«Budziem viedać, jaki biełaruski «brend» abychodzić bokam. «Dyzajnieru» zyčym razvažlivaści».
«Čamuści zusim nie vierycca, što ŭsie astatnija elemienty štučnyja».
Fota: «Anłajnier»
Fota: «Anłajnier»
Chacia niekatoryja pabačyli ŭ hetym adsyłku da pakazu francuzskaha brendu Schiaparelli ŭ 2023 hodzie — kali madeli defilavali ŭ sukienkach z hałavoj ilva i voŭka.