MUS nazvała šeść fraz, paśla jakich treba nieadkładna kinuć słuchaŭku
Voś najbolš raspaŭsiudžanyja frazy kibiermachlaroŭ — nazavicie ich baćkam i dzieciam.
Fota: vecteezy.com
Supracoŭniki ŭpraŭleńnia pa supraćdziejańni kibierzłačynnaści UUS Bresckaha abłvykankama vybrali najbolš raspaŭsiudžanyja frazy, jakija vykarystoŭvajucca machlarami.
- «Vaš rachunak budzie zabłakiravany, kali vy nie adkažacie prosta zaraz».
- «Vašy hrošy sprabujuć vykraści, zafiksavana padazronaja apieracyja».
- «Vaš rachunak byŭ uzłamany. Kali łaska, paćvierdzicie svaje danyja, kab adnavić dostup».
- «U nas jość infarmacyja pra toje, što vašy asabistyja danyja byli skradzienyja. My možam dapamahčy vam abaranicca».
- «Kali łaska, paćvierdzicie svaju asobu, kab paźbiehnuć błakiroŭki vašaha rachunku».
- «Vas turbuje śpiecyjalist finansavaj biaśpieki, supracoŭnik słužby biaśpieki banka».
Usie hetyja frazy vykarystoŭvajuć machlary dla stvareńnia terminovaści i vymahańnia asabistych danych abo hrošaj. Sapraŭdnyja supracoŭniki bankaŭ ci słužbaŭ biaśpieki nikoli nie patrabujuć paviedamić kanfidencyjalnuju infarmacyju (paroli, kody z kart, CVV) pa telefonie abo ŭ paviedamleńniach.