Litoŭskija pamiežniki zładzili pahoniu za kantrabandystami, dahnali ŭ čystym poli
U roznych miescach Salečnickaha rajona pamiežniki zatrymali troch čałaviek, mierkavana źviazanych z kantrabandaj, jakaja dastaŭlałasia ź Biełarusi pry dapamozie mieteazondaŭ. Pra heta paviedamlaje Delfi sa spasyłkaj na Słužbu achovy dziaržaŭnaj miažy.
Fota: VSAT.lt
«Pa miescy žycharstva troch zatrymanych praviedzienyja vobšuki, asoby zatrymanyja. U piatnicu prakuror chadajničaŭ pierad sudom ab abrańni ŭ dačynieńni da ich vyšejšaj miery strymańnia — aryštu terminam na 1 miesiac», — havorycca ŭ paviedamleńni pamiežnaj słužby.
Apieracyja stała praciaham zatrymańniaŭ, praviedzienych u pačatku listapada, kali na darozie Vilnia — Varena — Hrodna supracoŭniki SADM zatrymali aŭtamabili Audi A6 i Škoda Octavia, u jakich pieravozilisia 12 skrynak biełaruskich cyharet, h. zn. 6000 pačkaŭ. Aŭtamabil Audi spyniŭsia adrazu, a Škoda, vyjechaŭšy z darohi na ŭzaranaje pole, lehkavik prabiŭ ruchavik i spyniŭsia.
Dvoje mužčyn vyskačyli i pabiehli ŭ bok bližejšaha lesu. Ich i jašče adnaho miascovaha žychara zatrymali. Dvoje mužčyn z Audi taksama byli ŭziatyja pad vartu. Usie piaciora dziejničali ŭ składzie arhanizavanaj hrupy.