Nazvali papiaredniuju pryčynu śmierci 14‑hadovaha Maksima Ziańkoviča, jakoha šukali niekalki dzion
Śledčy kamitet nazvaŭ papiaredniuju pryčynu hibieli 14‑hadovaha Maksima Ziańkoviča. Heta ŭtapleńnie.
8 listapada kala 10 hadzin chłopčyk źjechaŭ na viełasipiedzie ad doma dziaduli ŭ vioscy Karboŭskaje Biarezinskaha rajona, i źnik. Znajšli cieła chłopčyka tolki 13 listapada kala 15 hadzin — u bahnistaj miascovaści pablizu vioski Nieścieraŭka.
Śledčyja ŭziali ŭzory vady i hruntu, zabrali viełasipied, apytali vidavočcaŭ. Cialesnych paškodžańniaŭ, jakija śviedčać ab hvałtoŭnym charaktary śmierci, na chłopčyku nie było znojdznha.
Pryznačany šerah ekśpiertnych daśledavańniaŭ, u tym liku sudova-miedycynskaja ekśpiertyza dla ŭstanaŭleńnia dakładnaj pryčyny śmierci dziciaci.
Kamandzir pošukava-vyratavalnaha atrada «Anioł» Siarhiej Koŭhan raniej raskazvaŭ, što rajon, dzie znajšli zahinułaha Maksima Ziańkoviča, pieršapačatkova praihnaravali.