Žurnalistcy Aksanie Kołb zamianili chimiju na kałoniju
Kryminalnaja sprava ŭ dačynieńni da eks-redaktarki «Novaha Času» zaviedzienaja ŭpraŭleńniem Śledčaha kamiteta pa Bresckaj vobłaści jašče naprykancy 2023 hoda. Tolki ciapier stała viadoma, pavodle jakich artykułaŭ, piša BAŽ.
Kryminalnuju spravu ŭ dačynieńni da eks-hałoŭnaj redaktarki vydańnia «Novy Čas» Śledčy kamitet Bresckaj vobłaści raspačaŭ u kancy 2023 hoda. Ciapier stała viadoma, što Aksanu Kołb abvinavačvajuć sadziejničańni «ekstremisckaj» dziejnaści (častka 1, artykuły 361‑4 KK) i hrubym parušeńni paradku (artykuł 342 KK).
Taksama stała viadoma, što zamiest 2 hadoŭ i 6 miesiacaŭ chimii, sud prysudziŭ jaje da pazbaŭleńnia voli terminam na 1 hod, 1 miesiac i 3 dni ŭ kałonii ahulnaha režymu.
Uletku 2024 hoda ŭłady aryštavali ziamielny ŭčastak eks-redaktarki «Novaha Času» Aksany Kołb. Tady jana vykazała zdahadku, što heta adbyłosia ŭ miežach kryminalnaj spravy, raspačataj suprać jaje naprykancy 2023 hoda. Padrabiaznaści byli nieviadomyja, bo žurnalistku nichto z adkaznych asob nie prainfarmavaŭ.