Tureckija vajskoŭcy raźbilisia ŭ samalocie, viartajučysia z paradu ŭ Baku
Vajskova-transpartny samalot z tureckimi kamandas raźbiŭsia ŭ horadzie Sihnachi na azierbajdžanska-hruzinskaj miažy. Sałdaty, jakija znachodzilisia na borcie, udzielničali ŭ paradzie ŭ Baku i lacieli nazad u Stambuł.
Skrynšot ź videa
«Vajskova-transpartny samalot C130, jaki vylecieŭ z Azierbajdžana ŭ našu krainu, paciarpieŭ krušeńnie na hruzina-azierbajdžanskaj miažy. U supracoŭnictvie z uładami Azierbajdžana i Hruzii pačatyja pošukava-vyratavalnyja raboty», — havorycca ŭ zajavie Ministerstva abarony Turcyi.
I Hruzija, i Azierbajdžan paćvierdzili katastrofu. MUS Hruzii paviedamiła, što vajskova-transpartny samalot C-130 US Turcyi ŭpaŭ na hruzinskaj terytoryi, za 5 km ad miažy z Azierbajdžanam u municypalitecie Sihnahi. Azierbajdžan paviedamiŭ, što bort vylecieŭ z Hiandžy.
Pa papiaredniaj infarmacyi, usie, chto byŭ u samalocie, zahinuli. Kolkaść zahinułych pakul nie ŭdakładniajecca.
Prezident Azierbajdžana Ilcham Alijeŭ vykazaŭ spačuvańni svajmu tureckamu kalehu Redžepu Taipu Erdahanu.
Čytajcie taksama:
Praca Vilenskaha aeraporta znoŭ była parušana z-za kantrabandnych šaroŭ
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma
U Kientuki paśla krušeńnia hruzavoha samalota zahinuli siem čałaviek