U Biarezinskim rajonie znojdzienyja novyja ślady źnikłaha chłopčyka

Na 10:30 ranicy 11 listapada pošuki Maksima Ziańkoviča praciahvajucca.

Jak raspavioŭ Onliner kiraŭnik pošukava-vyratavalnaha atrada «Anioł» Siarhiej Koŭhan, pavodle papiaredniaj infarmacyi, znojdzieny novyja ślady chłopčyka i rovara. Na miesca vyklikany ekśpierty-kryminalisty, jakija buduć vyznačać ich prynaležnaść. Na 10:30 ranicy 11 listapada pošuki praciahvajucca.

U pošukavym štabie, jaki znachodzicca ŭ vioscy Karbaŭskaje, rastłumačyli, što pošuki dziciaci išli ŭsiu noč. Uviečary paniadziełka sabrałasia asabliva šmat vałancioraŭ.

U pieršaj pałovie dnia ŭ aŭtorak u pracy zadziejničany pošukaviki z atradaŭ «Anioł», «Simuran» i «Fieniks». Na miescy taksama sabrałasia kala 80 dobraachvotnikaŭ. Što datyčycca pradstaŭnikoŭ viedamstvaŭ — milicyi, vyratavalnikaŭ, vajskovych i leśnikoŭ, — to ich kala 250 čałaviek. Taksama praciahvajuć prybyvać vałanciory na endura i kvadracykłach.

14‑hadovy Maksim Ziańkovič źjechaŭ u subotu na rovary ŭ nieviadomym kirunku ź vioski Karbaŭskoje Biarezinskaha rajona.

Prykmiety padletka takija: na vyhlad kala 14 hadoŭ, rost 170 sm, chudarlavaha ciełaskładu, vočy śvietłyja, vałasy śvietła-rusyja, chvalistyja. Byŭ apranuty ŭ ciopłuju bałonievuju kurtku ciomna-zialonaha koleru, na kapiušonie mieŭsia miech, ciomny holf, ciomnyja spartyŭnyja štany. Na štaninie mieŭsia prynt z vyjavaj tvaru biełaha koleru. Krasoŭki — čornyja z sałatavym nadpisam Air Mach, šapka šeraja z čornaj pałasoj.

Kamientary da artykuła