Rasija prydumała, jak zavabić na front złačyncaŭ z roznych krain

Pavodle infarmacyi vydańnia «Viedomosti», u Rasii padrychtavali papraŭki ŭ zakanadaŭstva, jakija zabaraniajuć vydaču zamiežnych hramadzian, što zaklučyli kantrakt z Uzbrojenymi siłami RF, na zapyty inšych dziaržaŭ dla kryminalnaha pieraśledu. Adpaviednyja źmieny ŭžo padtrymała ŭradavaja kamisija pa zakanadaŭčaj dziejnaści.

Fota ilustracyjnaje

Akramia taho, rasijski ŭrad padrychtavaŭ jašče dva zakonaprajekty, jakija rehulujuć pierabyvańnie ŭ Rasii takich inšaziemcaŭ.

Adzin z dakumientaŭ unosić źmieny ŭ Kodeks ab administratyŭnych pravaparušeńniach. Pavodle jaho, inšaziemcaŭ-kantraktnikaŭ nie buduć vydvarać z krainy navat u vypadkach, kali heta praduhledžana zakonam. Zamiest hetaha im mohuć pryznačyć štraf ad 1 da 50 tysiač rasijskich rubloŭ abo abaviazkovyja raboty terminam da 200 hadzin.

Kali ž inšaziemcy-kantraktniki parušać praviły padčas praviadzieńnia spartyŭnych spabornictvaŭ, to im mohuć zabaranić naviedvać takija mierapryjemstvy na termin ad adnaho da siami hadoŭ.

Kamientary da artykuła