Polšča moža adkryć miažu ź Biełaruśsiu paśla 20 listapada
Niahledziačy na toje, što Polšča adkłała płany pa adkryćci punktaŭ propusku na miažy ź Biełaruśsiu, ministr unutranych spraŭ Litvy Uładzisłaŭ Kandratovič zajaviŭ, što Varšava, vierahodna, prymie takoje rašeńnie jašče ŭ hetym miesiacy, paviedamlaje Delfi.lt.
Fota: AP Photo Rafal Niedzielski
«Ja na minułym tydni razmaŭlaŭ ź ministram unutranych spraŭ Polščy. Jany płanavali adkryć hetyja punkty 1 listapada, ale z salidarnaści ź Litvoj hetaha nie zrabili. Ale, chutčej za ŭsio, heta adbudziecca paśla 15 listapada, paśla 20-ha. Dumaju, heta dakładna adbudziecca», — zajaviŭ Kandratovič u efiry radyjostancyi LRT u paniadziełak.
Adnak ministr padkreśliŭ, što krainam nieabchodna sumiesna adreahavać na situacyju, jakaja skłałasia paśla zakryćcia miežaŭ ź Biełaruśsiu.
Litva zakryła miažu ź Biełaruśsiu da 30 listapada.