Pamior nobieleŭski łaŭreat, jaki adkryŭ strukturu DNK
Amierykanski navukoviec Džejms Uotsan, jaki razam z Frensisam Krykam adkryŭ strukturu DNK, pamior 6 listapada na 97‑m hodzie žyćcia ŭ chośpisie na Łonh-Ajlendzie (ZŠA).
Džejms Uotsan. Fota: AP Photo / Ivan Sekretarev
Uotsan byŭ adnym z najbolš viadomych bijołahaŭ i hienietykaŭ XX stahodździa. Jon kiravaŭ znakamitaj łabaratoryjaj u Kołd-Sprynh-Charbary z 1968 da 2007 hoda. U paviedamleńni hetaj ustanovy adznačajecca jaho vialiki ŭniosak u raźvićcio navuki, adukacyi i hramadskaj dziejnaści.
Razam z Frensisam Krykam Džejms Uotsan u 1953 hodzie rasšyfravaŭ strukturu malekuły DNK. Za hetaje adkryćcio Uotsan i Kryk u 1962 hodzie razam z Morysam Uiłkinsam atrymali Nobieleŭskuju premiju pa fizijałohii i miedycynie.
Akramia taho, Džejms Uotsan byŭ pieršym kiraŭnikom prajekta «Hienom čałavieka» i byŭ uznaharodžany Prezidenckim miedalom svabody i Nacyjanalnym miedalom navuki. Dziakujučy jaho dziejnaści łabaratoryja ŭ Kołd-Sprynh-Charbary stała adnoj ź viadučych navukovych ustanoŭ śvietu.
Adnak u 1990‑ch hadach Uotsan nieadnarazova rabiŭ supiarečlivyja i abraźlivyja vykazvańni, jakija nazyvali rasisckimi. U 2019 hodzie łabaratoryja pazbaviła jaho za heta ŭsich hanarovych zvańniaŭ i ŭznaharod.
Čytajcie taksama:
Pamior łaŭreat Nobieleŭskaj premii, jaki atrymaŭ jaje 68 hadoŭ tamu
Łaŭreat Nobieleŭskaj premii miru Maryja Karyna Mačada pachvaliła Bińjamina Nietańjachu