U Homieli vynieśli prysud žycharcy Minska. Imavierna, pa spravie Hajuna

Homielski abłasny sud pryznaŭ 31‑hadovuju žycharku Minska Nastaśsiu Hryckievič vinavataj pavodle častak 1 i 2 artykuła 361‑4 Kryminalnaha kodeksa Biełarusi — «sadziejničańnie ekstremisckaj dziejnaści», piša «Homielskaja viasna».

Nastaśsia Hryckievič

Žančynie pryznačyli realny termin pakarańnia — albo pazbaŭleńnie voli, albo abmiežavańnie voli z nakiravańniem u papraŭčuju ŭstanovu. Dakładnaja praciahłaść prysudu pakul nie viadomaja, jaje vyśviatlajuć pravaabaroncy.

Pavodle najaŭnaj infarmacyi, Nastaśsiu Hryckievič zatrymali jašče ŭ traŭni. U jaje sacyjalnych sietkach šmat fotazdymkaŭ z Mazyra, dzie, vierahodna, jana naradziłasia abo maje rodzičaŭ i siabroŭ.

Padčas poŭnamaštabnaha ŭvarvańnia Rasii va Ukrainu ŭ 2022 hodzie u Mazyry znachodziłasia vialikaja kolkaść rasijskich vojskaŭ — tut byŭ asnoŭny kirunak nastupleńnia na Kijeŭ. Paśla paražeńnia pad Kijevam akupacyjnyja vojski adstupali mienavita praz Mazyr.

Pravaabaroncy miarkujuć, što sprava suprać Nastaśsi Hryckievič moža być źviazanaja z manitorynhavym kanałam «Biełaruski Hajun», jaki źbiraŭ i publikavaŭ infarmacyju pra pieramiaščeńnie rasijskich vojskaŭ u Biełarusi padčas vajny. 

Kamientary da artykuła