U Mazyry mužčyna niekalki razoŭ udaryŭ nažom žonku, a potym kinuŭsia ź im na milicyjaniera
Milicyjanier užyŭ tabielnuju zbroju.
Shutterstock.com
Siońnia nočču ŭ Mazyrski RAUS patelefanavała dziaŭčynka i paviedamiła, što jaje baćka nanios maci nažavyja ranieńni.
Na miesca zdareńnia vyjechali supracoŭniki milicyi. Z kvatery na pieršym paviersie danosilisia kryki ab dapamozie i stohny, paviedamlaje pres-słužba MUS.
Dźviery byli zamknionyja, adzin ź milicyjanieraŭ prabraŭsia ŭ žyllo praz adčynienaje akno.
Na padłozie jon ubačyŭ žančynu ŭ kryvi, a pobač — pjanoha mužčynu z nažom u rukach. Patrabavańni supracoŭnika kinuć zbroju ahresar praihnaravaŭ i nakiravaŭsia ŭ bok milicyjaniera. Kab abiasškodzić, učastkovy inśpiektar prymianiŭ tabielny pistalet.
U balnicu dastaŭlenyja 41‑hadovy padazravany i jaho 33‑hadovaja žonka. Žančyna ŭ ciažkim stanie. Ź dziećmi ŭsio ŭ paradku, ich pieradali svajakam.