Adnaho z paciarpiełych padčas vybuchu na «Biełaruśkalii» vypisali na ambułatornaje lačeńnie
Pres-słužba Minzdaroŭja paviedamiła, što adzin z čatyroch rabočych, jakija paciarpieli ŭ Salihorsku padčas vybuchu na «Biełaruśkalii» 31 kastryčnika, užo vypisany z Balnicy chutkaj miedycynskaj dapamohi Minska na ambułatornaje lačeńnie.
Zdymak ilustracyjny. Fota: «Minsk-Naviny»
Astatnija try pacyjenty pa-raniejšamu znachodziacca ŭ Respublikanskim apiokavym centry BCHMP Minska, im akazvajecca ŭsiebakovaja miedycynskaja dapamoha. Dvum ludziam užo praviali častkovaje vydaleńnie paškodžanych tkanak. Dvoje pa-raniejšamu padklučanyja da aparata ŠVŁ, pry hetym u dziaŭčyny adznačajecca stanoŭčaja dynamika.
U balnicy pastajanna pravodziacca kansiliumy śpiecyjalistaŭ, u jakich udzielničajuć pradstaŭniki Ministerstva achovy zdaroŭja, Kamiteta pa achovie zdaroŭja Minharvykankama, kafiedraŭ BDMU i inšych ustanoŭ. Pacyjenty taksama byli prakansultavanyja hałoŭnym pazaštatnym infiekcyjanistam Minzdaroŭja, zahadčykam kafiedry BDMU Iharam Karpavym.
Čytajcie taksama:
Adnaho z paciarpiełych padčas vybuchu na «Biełaruśkalii» pieraviali z reanimacyi ŭ adździaleńnie
Paśla vybuchu na «Biełaruśkalii» śpiecyjalisty pravieryli stan pavietra ŭ rehijonie
Nadzvyčajnaje zdareńnie na «Biełaruśkalii»: čatyry čałavieki z apiokami ŭ balnicy