U Dziatłavie žančynu mocna pakusaŭ łabrador, jana adsudziła kampiensacyju
U Dziatłavie žančyna adsudziła ŭ haspadyni łabradora 8 tysiač rubloŭ kampiensacyi za maralnuju škodu paśla taho, jak sabaka jaje pakusaŭ. Pra heta paviedamlaje Hrodzienski abłasny sud.
Zdymak ilustracyjny. Fota: freepik.com
Adnojčy viečaram žančyna ź siabroŭkaj vyjšła na prahułku. Ale raptam sabaka-łabrador biez namordnika i ašyjnika kinuŭsia na žančynu, pakusaŭšy jaje za ruku i plačo.
Rany byli surjoznyja — z amiarćviełymi ŭčastkami skury. Žančyna bolš za čatyry miesiacy lažała ŭ balnicy, pieraniesła try apieracyi i dahetul nie adnaviłasia całkam. Daktary ŭvohule nie harantujuć jaje poŭnaha vyzdaraŭleńnia.
Žančyna patrabavała 10 tysiač rubloŭ kampiensacyi, ale sud pryznačyŭ joj 8 tysiač. Akramia taho, haspadynia sabaki pavinna zapłacić štraf u 15 bazavych vieličyń (630 rubloŭ) za parušeńnie pravił utrymańnia chatnich žyvioł.
Čytajcie taksama:
U Brahinskim rajonie siłaviki zastrelili sabaku, jaki napaŭ na svaju haspadyniu
U Lidskim rajonie sabaka da śmierci zahryz pažyłuju žančynu
U Minsku bajcoŭskija sabaki napali na chłopca ź invalidnaściu, ludzi ledź uratavali