Jak vyhladaje dron kantrabandystaŭ, jaki ŭčora braznuŭsia pa toj bok polskaj miažy FOTAFAKT

U sieradu polskija pamiežniki znajšli dron, jakim ź Biełarusi pieravozili kala 400 pačkaŭ kantrabandnych cyharet.

Jaho znajšli na lasnoj terytoryi kala Krynak niedaloka ad miažy ź Biełaruśsiu. Polskaja pamiežnaja słužba paviedamiła, što pra dron pamiežnikaŭ papiaredziŭ miascovy žychar, tamu na miesca zdareńnia byli nakiravanyja pažarnyja i palicyja, piša 15min.lt.

«Unutry drona pamiežniki znajšli kala 400 pačkaŭ cyharet. Usie jany byli ź biełaruskimi akcyznymi markami. Dalejšyja dziejańni ŭ hetym vypadku pravodziać pamiežniki», — paviedamili čynoŭniki.

Dron wypełniony nielegalnymi papierosami ujawniono dziś w gminie Krynki. W jego środku znajdowało się około 400 paczek papierosów z białoruską akcyzą. pic.twitter.com/oTqJ07t4sE

— Podlaski Oddział SG (@podlaski_sg) November 5, 2025

Sioleta heta ŭžo vasiamnaccaty vypadak u Padlašskim vajavodstvie, kali dla pieravozki cyharet praź miažu vykarystoŭvaŭsia dron. Taksama zafiksavana 118 vypadkaŭ vykarystańnia pavietranych šaroŭ.

Usiaho sioleta miascovyja ŭłady kanfiskavali drony i pavietranyja šary, z dapamohaj jakich pieravozilisia cyharety ahulnym koštam kala 3,4 miljona złotych (800 tysiač jeŭra). U suviazi z kantrabandaj byli zatrymanyja 29 čałaviek.

Kamientary da artykuła