Biełaruskaja čyhunka paviedamiła pra źmieny ŭ hrafiku ruchu

Biełaruskaja čyhunka papiaredziła pra admienu niekatorych ciahnikoŭ i zapusk aŭtobusaŭ 12—13 listapada. Heta źviazana z płanavym ramontam čyhunačnaha mosta na ŭčastku Puchavičy — Talka, tamu pajezdka ź Minska ŭ bok Homiela moža zaniać bolš času i patrabavać pierasadak.

Fota ilustracyjnaje

Pavodle paviedamleńnia Biełaruskaj čyhunki, 12 listapada buduć admienienyja nastupnyja ciahniki:

• Minsk — Homiel (biznes-kłas): №№ 708/707, 748/715, 716/739, 758/757, 755/752;
• Minsk — Mazyr: №№ 874/876, 876/875;
• Minsk — Mahiloŭ: № 742/741.

U jakaści alternatyvy pasažyram prapanujuć novyja skaročanyja maršruty, a niekatoryja nakiroŭvajucca ŭ abjezd:

• Minsk — Homiel: dadatkovyja ciahniki № 642/641 i № 621 pojduć praz Žłobin i Mahiloŭ;
• Minsk — Mahiloŭ: ciahnik № 744/745 budzie ruchacca praz Oršu;
• Mazyr — Asipovičy: ciahniki №№ 876/875 i 874/873 buduć chadzić tolki da Asipovič i nazad;
• Homiel — Asipovičy: asobnyja ciahniki №№ 885/886, 883/884, 881/882, 887/888 dla pasažyraŭ.

Akramia taho, pasažyram rehijanalnych linij ekanom-kłasa na ŭčastku Minsk — Asipovičy pryjdziecca pierasadžvacca na aŭtobusy pamiž stancyjami Talka i Puchavičy. Kvitok na ciahnik budzie dziejničać i dla hetaha aŭtatranspartu.

Kamientary da artykuła