Škołu ŭ «Minsk-Śviecie» adkryjuć u studzieni
Škołu №228 u rajonie «Minsk-Śviet» płanujuć adkryć u studzieni 2026 hoda. Pra heta raskazaŭ načalnik upraŭleńnia pa adukacyi Alaksandr Judziniec na pasiadžeńni administracyi rajona, paviedamlaje aficyjny telehram Kastryčnickaha rajona.
Płanujecca, što škoła dla vučniaŭ pačatkovych kłasaŭ adkryjecca ŭ pačatku treciaj čverci.
— Uličvajučy, što škoła adkryjecca ŭ siaredzinie navučalnaha hoda, nie varta raźličvać na jaje maksimalnaje kamplektavańnie, — papiaredziŭ kiraŭnik Kastryčnickaha rajona Eduard Tamilčyk. — Adnačasova novabudoŭla abstaloŭvajecca ŭ adpaviednaści z najvyšejšymi standartami, tamu popyt na jaje ŭ budučym praduhledžvajecca vysoki. Užo možna pačynać płanavać zamacavańnie mikrarajonaŭ na 2026/2027 navučalny hod.
Papiarednie za škołaj zamacavanyja niekalki žyłych damoŭ, jakija da hetaha času naležali da škoł na vulicy Asanalijeva.
Da 228‑j škoły buduć naležać damy pa hetych adrasach:
- Białhradskaja, 9, 11;
- Brackaja, 1, 5, 7, 9, 11, 13, 15, 17, ad doma № 20 (cotny bok);
- Žaresa Ałfiorava;
- Michaiła Savickaha: ad doma № 23 i dalej;
- Ihara Łučanka: 11, 13, ad doma № 15 i dalej;
- Nikoły Tesły: ad doma № 22 (cotny bok);
- Leanida Ščamialova;
- praśpiekt Mira: ad doma № 12 (cotny bok).