Stan paciarpiełych rabotnikaŭ «Biełaruśkalija» stabilna ciažki
Stan čatyroch paciarpiełych padčas incydentu na «Biełaruśkalii» pa-raniejšamu aceńvajecca jak stabilna ciažki, paviedamlaje Minzdaroŭja.
Pacyjenty byli špitalizavanyja ŭ Respublikanski apiokavy centr Haradskoj kliničnaj balnicy chutkaj miedyčnaj dapamohi Minska.
«Dvoje paciarpiełych padklučanyja da aparataŭ štučnaj vientylacyi lohkich — u ich ciažkaja inhalacyjnaja traŭma. Dvum pacyjentam siońnia praviedzienyja apieratyŭnyja ŭmiašańni — chirurhičnaja apracoŭka ran i etapnaje vydaleńnie paškodžanych tkanak», — adznačyli ŭ Minzdaroŭi.
Paviedamlajecca, što supracoŭniki centra vykarystoŭvajuć sučasnyja mietodyki dla lačeńnia padobnych traŭmaŭ, akazvajuć usiu nieabchodnuju miedyčnuju dapamohu.
U piatnicu na 4‑m rudaŭpraŭleńni «Biełaruśkalija» adbyŭsia razryŭ pustoj jomistaści z-pad salanaj kisłaty. Była paškodžanaja susiedniaja jomistaść z salanaj kisłatoj, adbyŭsia vyciek. Paciarpieli čatyry čałavieki: maładaja žančyna i troje mužčyn. Dvum pacyjentam praviali apieracyi da pieravozki ŭ Minsk.