Inžynier z Bresta šukaŭ pracu ŭ Litvie. Ale zastaŭsia ŭ Biełarusi — i atrymaŭ palityčnuju kryminałku

Ihara Bachaŭčuka asudzili pa dvuch artykułach.

Ihar Bachaŭčuk. Fota z sacsietak

Bieraściejcu Iharu Bachaŭčuku 48 hadoŭ. Skončyŭ Minski enierhietyčny technikum, paźniej — Brescki dziaržaŭny ŭniviersitet. Maje žonku i syna.

Ihar pracavaŭ u šerahu kampanij u Minsku i Breście. Jahonaja apošniaja viadomaja pasada — inžynier techničnaha ahladu ŭ adnoj sa staličnych kampanij.

Z maja 2022‑ha jon šukaŭ pracu ŭ Litvie — Vilni, Kłajpiedzie ci Kaŭnasie.

Bachaŭčuka asudzili ŭ 2025 hodzie pa dvuch artykułach — «finansavańnie ekstremisckaj dziejnaści» (art. 361‑2 KK) i «abraza pradstaŭnika ŭłady» (č. 1 art. 368 KK).

U vyniku jamu prysudzili chatniuju chimiju. Sutnaść abvinavačańniaŭ i dakładny prysud nieviadomyja. Imia Ihara Bachaŭčuka źjaviłasia ŭ śpisie «ekstremistaŭ». 

Kamientary da artykuła