Za pavolny internet u Biełarusi buduć štrafavać
U Minsuviazi pryznajuć: kolkaść skarhaŭ sapraŭdy vyrasła.
Ilustracyjny zdymak. Fota: sacsietki
Biełarusy apošni hod čaściej stali skardzicca na internet. Pjeršy namieśnik ministra suviazi i infarmatyzacyi Pavieł Tkač raskazaŭ u efiry STB, što kolkaść skarhaŭ sapraŭdy vyrasła, pakolki vyrasła nahruzka na sietku. Pačałosia heta ŭ pieryjad pandemii, kali mnohija pačali pracavać dystancyjna, u tym liku i ź viosak.
Čynoŭnik nahadaŭ, što zhodna z ukazam № 335 apieratary pavinny reinviestavać častku prybytku ŭ raźvićcio sietak.
U Minsuviazi ŭpieršyniu ŭstanavili normy jakaści pa chutkaści internetu.
«Z 1 studzienia, kali pa vynikach vymiareńniaŭ budzie vyznačana, što jakaść akazańnia pasłuh niezdavalniajučaja, nie adpaviadaje vyznačanym patrabavańniam, apieratary buduć nieści adkaznaść, u tym liku štrafavacca», — skazaŭ Tkač.
Kab palepšyć internet za horadam, pavialičvajuć kolkaść bazavych stancyj — ciapier ich buduć stavić praktyčna ŭ dva razy chutčej.